महात्मा फुलेंनी लिहिलेली – गणपती रचना

महात्मा जोतीराव फुले यांची गणपती वरील अखंडदी काव्य रचना …..
गणपती-अखंड काव्यरचना –

पशुपरी सोंड!! पोर मानवाचे !!
सोंग गनोबाचे !! नोंद ग्रंथी !!
बैसे उंदरावरी ठेवूनिया बुड !!
फुकितो शेंबूड !! सोंडेतून !!

अन्तेजासी दूर, भटा लाडू देतो !!
नाकाने सोलीतो !! कांदे गणू !!
चिखला तुडवूनी बनविला मोरया !!
केला ढबू-ढेर्‍या !! भाद्रपदी !!

गनोबाची पूजा!! भाविका दावितो !!
हरामाच्या खाती !! तूप-पोळ्या !!
जय मंगलमुर्ती!! जय मंगलमुर्ती !!
गाती नित्य कीर्ती !! टाळ्यासह !!
उत्सवाच्या नावे, द्रवे भोन्दाडती !!
वाटी खिरापती !! धूर्त भट !!

जाती मारवाडी गरीबा नाडीती !!
देवूळे बांधती !! कीर्तीसाठी !!
देवाजीच्या नावे, जगाला पीडिती !!
अधोगती जाती !! निश्चयाने !!

खरे देव भक़्त!! देह कष्टविती !!
पोषण करिती !! घरच्यांचे !!
अजाणसी ज्ञान,पांगल्या अन्नदान !!
हेच बा स्मरण !! निर्मिकाचे !!
भोळा वारकरी,त्यास दिली हूल !!
स्मरणांत फळ !! आहे म्हणे !!

क्षत्रिय रामाचा ,धूर्त बने दास !!
गांठी शिवाजीस !! मतलबी !!
दादू कोंडदेव,त्या ठेवी अविद्वान !!
करवी तुलादान !! ऐदि भटा !!
स्वजातीसाठी, बोधिले पाखंड !!
धर्माड खरे!! जोती म्हणे !!..

(महात्मा फुले समग्र वाङमय)