कधी तरी बोलत जावे

🌺 कधी तरी बोलत जावे…
कधी तरी बोलत जावे,
मनातले शब्द उघडत जावे,
गप्पांत हरवलेल्या नजरा
थोड्याशा ओल्या व्हाव्यात…

तुझ्या माझ्या मधल्या त्या
शांततेलाही भाषा असावी,
कधी तरी न बोलता
मनापासून काहीस सांगावं…

कधी तरी थांबून जावं,
वेळेच्या प्रवाहाला विसरावं,
शब्द नसतानाही
स्पर्शात प्रेम ओळखावं…

कधी तरी पुन्हा भेटावं,
भूतकाळाला हलकं हसावं,
नातं तुटलेलं नसतं कधीच,
फक्त थोडं गोंजारावं…

कधी तरी बोलत जावं,
तुझ्या नजरेत हरवत जावं,
जिथे शब्द अपुरे पडतात,
तिथे हृदय उमजतं असावं…

लक्ष्मण काटेकर, सोलापूर